Do You Like Kyrie Irving?

Title: Do You Like Kyrie Irving?

Date: June 26, 2017

Well, as the title says, ‘Do you like Kyrie Irving?’. Aaminin kong hindi ako avid fan ng NBA. Dati tinututukan ko ang UAAP pero eversince nagsipag-graduate na ang mga players na sinubaybayan ko from Ateneo Blue Eagles ay hindi na ako nanood ng mga succeeding seasons ng UAAP. Nakapitong seasons lang yata ako? Hahaha.

Sa PBA naman, well, fan ako ng Purefoods franchise. Pero noong hindi pa umaalis si James Yap. At itong NBA naman, well, mas lalong hindi ko nasusubabayan dahil available lang ito sa cable noon. Until free TV came. 2011 nang maglaban ang Miami Heat at ang Dallas Mavericks for the finals. Kalilipat lang yata ni LeBron James mula Cleveland Cavaliers pero natalo sila. Nakilala ko siya noong highschool ako. Nakikita ko ang mukha niya sa binder ng mga kaklase ko. He must be very popular. E, si Kobe Bryant lang naman ang kilala ko noon, eh. At kilalang team pa noon ang LA Lakers at Boston Celtics. Cleveland is not a familiar team to me. But I found out that LeBron was the top 1 highest paid athlete in the world that time. Like, nalampasan pa niya si Manny Pacquiao.

Sabi ko sa sarili ko noon, hindi nga lang seryoso, ‘Ah, balang-araw, magkakaroon din ng championship ang team na ito sa pamumuno ni LeBron.’ Then 2015 nang mag-champion ang Golden State Warriors sa pangunguna ni Stephen Curry. Hala, sino na naman ang Stephen Curry na ito. Now, my sister and her friends are crazy over the Warriors habang ako ay kung saan si LeBron James, doon ako. Bumalik siya ng Cleveland at nangakong bibigyan ang Cleveland ng championship ring. Which he did in 2016. Inasar pa nga ako ng kapatid ko. Todo-cheer pa ako sa Cleveland e si LeBron lang naman pala ang kilala ko. Which is totoo naman. Hahaha. Para hindi na ako mapahiya, tinandaan ko ang name na Kyrie Irving, Tristan Thompson, Kevin Love, JR Smith.

Kagaya ni LeBron, black din sina Kyrie, Tristan and JR. Ang napansin ko kay Tristan, may dimples. Si Kyrie, makapal ang balbas. Sabi ko, parang medyo hawig sila ni Mark Herras. May hitsura sana kaso makapal ang balbas. Ang lakas makadagdag sa edad. 2016, wow, muling nagharap ang Warriors at Cavs. And this time, Cavs won the championship! Ang saya-saya ko noong time na `yon. Imagine, umabot ng seven games bago sila nanalo. Such a sweet victory.

2017 nagharap uli sila pero natalo ang Cavs. Dito, hindi ko inaasahan na mas maa-appreciate ko si Kyrie Irving. Na-cute-an kasi ako sa handshake ng Cavs bago magsimula ang game. Hindi ako magaling sa pag-describe sa moves ng mga players pero nakakabilib siya. Nakikipagsabayan siya kay LeBron. Ang galing-galing niya. He was even dubbed as the Crossover King. Medyo malungkot ako kasi hindi sila makabawi pero napabilib niya ako nang tulungan niya ang kalabang si Klay Thompson nang bumaliktad ito sa ere. He was caught by his teammate Draymond and Kyrie caught him kahit magkalaban sila. Sabi ko, wow, bait naman ng taong ito. Bihira lang akong makakita ng athelete na tinutulungan ang kalaban kahit kainitan ng Game 5. Tumatak na sa akin ang pangalang Kyrie Irving.

Kahit tapos na ang finals, doon pa lang nagsimula ang pag-ii-stalk ko sa kanya. I found out na kaka-25 lang niya. And at such a young age, he had accomplished a lot especially his promise to his father na tatapusin muna niya ang kanyang degree bago pumasok sa NBA noong 2011 kung saan siya itinanghal na Rookie of the Year noong 2012.

Aside from that,  marami rin siyang talent. Kyrie is such a good dancer! Hindi lang iyon, kumakanta rin siya! He knows how to play the baritone saxophone. He also writes and keeps a journal. Hindi lang iyon, nagbabasa rin siya! Yup, ini-stalk ko lang naman ang instagram niya pati na ang YouTube para lang mag-download ng kahit na ano tungkol sa kanya. `Yong Uncle Drew series na commercial for Pepsi Max, siya lang naman ang nagsulat at nag-direct n’on. Hindi lang iyon, nakapag-guest din siya sa isang Disney Show na ‘Kickin’ It’ kung saan papanoorin ko pa lang. Hehehe. Imagine kung hindi siya naging magaling na basketball player, may kalulugaran pa rin naman siya sa Hollywood industry. By the way, he has a daughter with his ex-partner and had a relationship in early 2016. Pero sa kasalukuyan ay single daw siya. Ako na ang chismosa at dakilang stalker pero ganoon talaga ako, eh. Hahaha.

I kinda feel ecstatic and sad, though. Hindi ba ang weird ko? Ano ba ang common sa mga nagiging crush ko? Hindi lang basta gwapo, meron ding ibang talent na itinatago. Charlie Puth, Takeru Sato, Lee Dong Wook, Danny Schwarz and now, Kyrie Irving!

Yes, I am fangirling over Kyrie Irving right now at nalulungkot ako dahil kahit ganito na ang edad ko, dinidibdib ko pa rin ang pagiging unreachable ng mga taong hinahangaan ko. Like, I can fantasize Kyrie Irving all I want pero hanggang doon na lang iyon. Nandoon siya, nandito ako. Ganito ang buhay niya, ganito naman ako. Simply impossible, right? I can’t help but feel jealous with the people around him who can see him, talk to him and date him. I know I should mature by now pero kakaiba lang talaga si Kyrie Irving. He might not be the typical mestiso American or Asian I fangirl but he is simply good-looking as he is. Promise, ang gwapo ni Kyrie Irving. Hahangaan mo talaga siya bilang tao at bilang atleta.

At kung sino man ang babaeng makakatuluyan niya, huhuhu, aray, binibiyak ang puso ngayon pa lang kapag iniisip ko, ay maswerte. Well, ano pa bang dapat kong ipag-alala bukod sa gano’n din naman, tatanda rin akong dalaga. Hahaha. Susubaybayan ko pa sa mga susunod na araw si Kyrie Andrew Irving. Do you like Kyrie Irving? Because I love him. J

HOPELESS (June 08, 2017)

Date: June 08, 2017

Title: HOPELESS

Annyeong!

Yup, somehow ay buhay pa naman ang blog kong ito. It’s just that I’ve been struggling for the past few months. Kailan ba ang last post ko? Last November? Tss. Pasensiya na po. J

What am I into lately? KDramas, of course! The sparks between Lee Dong Wook and I have been rekindled after watching #Goblin with Gong Yoo, Ji Eun Tak and Yoo In Na. Ang hirap mag-abang ng updates lalo na at 2 episodes per week lang ang inilalabas ng tvN. It ended last January and now, it’s being aired on free TV and dubbed in Tagalog. It’s truly ground-breaking and definitely one of my favorite KDramas of all time. (Bukod doon, marami rin akong napanood na KDramas including Hwarang, Strong Woman Do Bong Soon, Blade Man, etc, and my latest favorite is Chicago Typewriter.)

After ko manggaling sa Sagay, umuwi na rin ako sa amin. I’m reunited with my favorite brother and tried hunting for jobs but I failed. Nag-away na naman kami ni Mama because kailangan kong i-turn down ang trabaho dahil may Sabado. Nasa Kuwait na si Mama ngayon at nahihirapan siyang maghanap ng employer doon. Ako naman, nakapagtrabaho rin ako sa opisina ng nagbigay sa akin ng scholarship. I had no choice kasi kailangan naming kumain para mabuhay. Nahirapan akong mag-adjust. Akala ko, magiging okay na. Kaso 2 weeks na lang sana bago ako mag-three months, they decided to stop my training kasi nakahanap na sila ng mas qualified na employee. Kaya heto ako ngayon, tambay.

Hindi ko na alam ang gagawin ko. Gusto kong umiwas sa mga toxic na tao sa bahay pero hindi ko naman alam kung papaano. Wala akong trabaho, walang pera. Madalas akong nade-depress. Sa ngayon, may pinagkakaabalahan akong online job sa tulong na rin ng mga kaibigan ko. The financial struggle is real and the blame is on me. Kaunti na lang talaga, masisiraan na ako ng bait.

About naman sa writing career ko? My first collaboration with my co-PHR writers went well. Gazchela Aerienne is very prolific. Ang dami na niyang published books and she has tried all genres na rin. The other, Miss Camilla, literally the most prolific writer of PHR. Imagine how overwhelmed I am to work with one of the most popular PHR writers, sobrang masipag, sobrang talented. Kailan ko kaya maabot ang level nila? Huhuhu.

Excited ako sa paglabas ng collaboration namin. Sana soon na. Saka hinihintay ko rin ang paglabas ng iba ko pang approved. Lately, sooooooobrang tagal ng confirmation ng manuscripts pati na ang evaluation. Kung magpa-follow up ka naman, halos wala ring sasagot sa`yo. Nawawalan na ako ng gana, actually, pero alam kong hindi ako pwedeng sumuko.

Hindi ko na alam kung saan pa kukuha ng pagkakakitan. I want to start a T-shirt printing business but I can’t get it right. Hindi ko na alam ang gagawin ko. Hindi ko na alam kung saan pa kakapit. Tumaya na lang kaya ako sa lotto?

PAANO MAG-SUBMIT NG MANUSCRIPT SA PRECIOUS HEARTS ROMANCES?

Paano mag-submit ng manuscript sa Precious Hearts Romances?

Noong nagsisimula pa lang akong tuparin ang pangarap kong maging published writer, I had no one else to ask to kung paano ang mga hakbang sa pagpapasa ng manuscript. Pero sa tulong ng internet at ni Google, nag-research lang ako at fortunately, nakahanap ako ng mga makabuluhang blog na napagkunan ko ng idea at mga taong pwedeng mapagtanungan. May mga aspiring writers na nagme-message sa akin sa FB at sa abot ng aking makakaya ay sinasagot ko ang mga tanong nila. Alam ko kasi ang pakiramdam na sarili ko lang ang inasahan ko sa pagre-research, it was a good thing, of course. Pero kung alam ko namang may maitutulong ako, bakit ko naman `yon ipagdadamot, `di ba? (Naks, ang yabang ng dating, ha. -_- ) Pero dahil nakakapagod sumagot ng mga katanungang paulit-ulit, dito ko na lang din sila sasagutin lahat.

Format ng isang manuscript:

*Ang iyong manuscript ay dapat na kompleto na at halos wala nang typo at grammatical errors. Imagine, kung ikaw ang editor, gaganahan ka bang magbasa ng manuscript na hindi maayos at maraming mali? Huwag gano’n, huwag natin silang pahirapan. Hehehe.

*Use Times New Roman bilang font, pwede ring gumamit ng iba basta’t maayos pa ring mababasa. Size, 12, double-spaced, at Justified dapat ang alignment. (Be knowledgeable with Microsoft Word kasi best friend na natin siya.)

*Ngayon, kung handa na ang manuscript mo, i-attach mo ito sa message box ng iyong e-mail account. Sa ibaba, `yong mukhang paperclip ang hitsura, `yan ang pipindutin mo. Ngayon naman, sa subject box, pwede mong ilagay ang For Evaluation: *title ng MS mo* by *your name/pen name*. Doon naman sa body ng e-mail, pwede mong ilagay ang detalye ng iyong manuscript or ang synopsis/teaser nito.

*Kung first time, magpapasa, huwag kalimutan ang resumé. Paano gumawa ng resumé? Maraming sample sa internet. Ang mahalaga lang naman doon ay nandoon ang complete contact details mo just in case ma-approve ang iyong manuscript. Kung estudyante ka pa, carry lang kung simple lang ang resumé mo.

*Ang bagong e-mail address ng PHR ay ed2rialstaff@gmail.com. Kapag nai-send mo na ang manuscript mo, maghintay ng ilang araw para sa confirmation na natanggap na nila ang manuscript mo. You just have to be patient dahil daan-daang manuscript ang ini-evaluate nila buwan-buwan.

Ano ang mga kwentong pumapasa sa PHR?

• ·         Nakakakilig at kapani-paniwala ang romantic development sa pagitan ng hero at ng heroine.
• ·         Hindi cliché o palasak ang plot. Halos lahat na ng kwento ay naisulat na sa buong mundo. Ang challenge sa`yo ay kung paano mo mabibigyan ng bagong bihis ang isang plot na magmumukhang fresh sa mata ng editor at ng mga mambabasa mo.
• ·         Ang conflict ay dapat na hindi masyadong mababaw at hindi rin siya masyadong malalim na para bang imposible na itong maresolba.
•     Walang loopholes. Lahat ng tanong na ibinigay mo sa reader ay dapat mong bigyan ng kasagutan bago magtapos ang nobela.
• ·         Happy ending.
• ·         Original. Bawal ang kinopya lang sa iba dahil diyan tayo magkakaproblema.
• ·         Bawal ang taboo. Ibig sabihin, they say no to incest.

Ano'ng Ganap?

Entry Title: Ganap Here, Ganap There

Written by: Sharmaine Light

Date: November 16, 2016

Ito ang mahirap sa akin, hindi ko talaga mapanindigan ang pagba-blog kong ito. Kailan ang huling post ko, February pa. Ano’ng petsa na? Hahaha. Well, bukod sa meron pa akong isang ginawang blog at isang tumblr account. Ewan ko na lang sa sarili ko. So, ano ba ang mga ganap sa buhay ko? Ayon, hindi ko na nagawang gawing series ang The Ideal Men dahil last April lang ay nai-publish na ito bilang trilogy. Masaya pa rin naman ako dahil kung ipinilit ko talagang gawing series, baka matagalan pa siya bago mailabas. Besides, hindi naman masasayang ang plano kong kasunod na mga kwento sana nito.

Bale sinubukan kong gawan ng spin-off ang The Ideal Men at binigyan ito ng working title na Sought-After. Doon ko na sana isusulat ang story nina Kenzie at Danross at Blaine at Ouji pero ang book 1 ay sina Sharmaine at Luxen. Yes, my pen name. Unfortunately, return ang book 1. Ilang beses na bang ibinalik sa akin ang kwentong ito nina Sharmaine at Luxen? Apat? Lima? Pero ayoko pa ring tantanan dahil gusto ko talagang i-push ang lovelife ko kahit sa nobela lang. And besides, umaasa sa akin ang mga kaibigan ko na magagawan ko rin sila ng spin-off since dream namin ito. Hahaha! Saklap, meyn!

So from Sought-After, dahil hindi bet ng editor ang concept, pinalitan ko ng The Love Chase Trilogy kasi gusto ko talagang gumawa ng pangalawang trilogy sa PHR! Bahala na. Hahaha. So ni-revise ko na ang book 1 at naipasa ko na rin naman noong September yata. Natatawa nga ako sa sarili ko kasi hindi ko napansin na merong common concept ang love story nilang tatlo pero pinili ko pa ring gawing Sought-After. Sometimes, I think I’m brilliant. Most of the time, I wonder if I really had a brain at all? Hahaha. I hope, The Love Chase Trilogy is meant-to-be this time.

Last October 5, my 5th novel came out entitled ‘So Unexpectedly’ na spin-off ng Someday We’ll Know! Yes, after more than a year na paghihintay, nailabas na rin siya pero ang naunang The Night It Rained, kailan kaya? Hahaha.

Another ganap, return ang book 1 ng Rekindled Romance series ko na kwento nina Yuugi/Takeru at Camya. Yeah, my fault. Nasobrahan ang pagiging malambot ni Yuugi na mas malambot pa siya kay Camya. Hahaha. Last week ng October pa dumating ang result. Tingin ko naman, madali lang siyang ayusin. I’ll make major changes with Yuugi’s character and I hope everything will follow. Tapos ko na kasi ang story nina Yasha at Yno/Charlie pero hindi ko pa nai-edit dahil hinihintay ko nga ang resulta nina Camya at Yuugi. So, tengga muna ang pangalawang love story namin ni Charlie. Huhuhu. Pero hindi naman ako susuko na lang basta, ano. Pangarap ko yata `to!

Pero naalala ko lang, oo,  nasobrahan na ako sa pagiging makakalimutin, kailangan ko na palang i-edit ngayon ang katatapos ko lang na manuscript na ang bida ay ang FB friend ko na si Ally at Gael. Argh! Ang hirap ng ganito alam n’yo `yon? May dysmenorrhea ka pero obligado ka pa ring magtrabaho dahil kailangan mo pa ring maging productive? So, tingnan natin, kung magagawa ko ngang mag-edit. Hahaha.

APPROVED

APPROVED

Sakto lang yata ang pasok ng 2016 sa akin bilang manunulat dahil after ko makakuha ng approved, 2 return ang nakuha ko. Medyo nakakalungkot pero hindi naman `yong tipong didibdibin ko. Mas tama yatang sabihing na-motivate ako lalo. Itatabi ko na lang ang mga `yon at balikan na lang kung handa na uli akong i-rewrite siya. ^___^

Last Friday, nakuha ko na rin ang SOR para sa story nina Sharine at Dominic. I was expecting for 2 SORs at ang isa ay para sa So Unexpectedly na manuscript na July pa approved. Huhu. Sa'n  na kaya ang SOR n'on? Ang last update sa akin, ipapadala na lang, e.

Okay. So nagulat ako sa ikalawang SOR dahil para `yon sa book 2 ng The Ideal Man series. Nakakaloka! E pinaplano ko pa lang na mag-follow up kung may result na, e. Anyways, hindi ko naman ikakaila na hindi ako natuwa nang bongga. Approved na siya! Ang bilis lang! Sa ngayon, under evaluation ang book 3 at ang book 4 ay tengga pa rin. Kukuha lang ako ng bwelo. Ang sarap magpa-distract kay Daniel Henney, e. Owrayt!

Pero this month, hindi pwedeng wala siyang asenso. Huhu. Lalabanan ko  na talaga ang katamaran ko. Sayang naman, e. Major project ito para sa isang newbie writer na kagaya ko. God speed to me. May He give me the strength I need to keep going. Fighting!

Daniel Henney

Fast Facts:
Name: Daniel Phillip Henney
Age: 36
Birthday: November 28, 1979
Profession: Actor/Model
Nationality: Korean-American

Yasha says:
I have known him since I was 13 and I never really paid attention. Nakita ko siya sa Spring Waltz noon na hindi ko rin naman nasubaybayan at `yon lang. Haha. Years later, nakita ko siya sa cover ng Stallion series ni Miss Sonia Francesca as the visual peg for Rozen Aldeguer. Doon, na-appreciate ko na siyang kaunti because he's really good-looking naman talaga. *heart-heart*

Then just last month, I bought Big Hero 6 at isa na siya sa mga all-time favorite movies ko. Because Tadashi Hamada, the character I fell in love with was voiced by Daniel Henney. Do'n na `ko napatigil dahil na-curious na ako. Ano ba ang pinaggagawa ko at madalas ko siyang palampasin noon? Haha.

Heto ngayon si ako, fangirling as its finest. Stalking-stalking din `pag may time. Ang gwapo talaga niya. Walang pangit na anggulo. Kumbaga sa ulam pa, walang tapon. Heaven. Hahaha. E di siyempre, may plot na namang sumulpot sa isip ko at ang kulit niya.

Ang plano ko ngayon, panoorin ang mga palabas niya na pinalampas ko. Huhu. The good news is, single na single siya. May pag-asa pa! Haha. Yahoo!

Writing Life

APPROVED

Bago ko makalimutan, dininig na `yong dasal ko dahil merong good news na dumating. Approved na ang manuscript ko na 'Love Like This: Sharine's Sweet Surrender'. Yup, `yong story nga ni Sharine at Dominic! Haha. This story is my first approved for 2016. Sana lang magtuloy-tuloy. Sana positive din ang result ng iba ko pang manuscript.

Praise God! ^_^